تحریک عدم اعتماد چھیتی آئے گی، اج فیصلہ ہوجائے گا : مولانا فضل الرحمان

اسلام آباد( پنجابی میڈیا گروپ) پاکستان ڈیموکریٹک موومنٹ (پی ڈی ایم) دے سربراہ مولانا فضل الرحمان نے آکھیا اے کہ تحریک عدم اعتماد چھیتی آئے گی، اج ایس دا فیصلہ ہوجائے گا ۔ اسلام آباد وچ سربراہ جمعیت علمائے اسلام (جے یو آئی) مولانافضل الرحمان تے خورشید شاہ نے سانجھی پریس کانفرنس کیتی ۔ پریس کانفرنس دے دوران مولانا فضل الرحمان نے آکھیا کہ عمران ہندا کون اے دھمکیاں دین والا، اوس نوں پتا نہیں کہ ساڈھے کارکناں دے گھراں وچ وی لاٹھیاں تیل دے اندر پئیاں ہوئیاں نیں، عمران خان جلسیاں وچ بازاری زبان استعمال کردا اے، عدم اعتماد وچ ساہنوں کامیابی دا پہلویقینی نظرآرہیا اے، وزیراعظم ساہنوں دھمکیاں دین والے ہندے کون نیں ، ہرمقابلہ کرن لئی تیارہاں ۔ اعتماد کامیاب ہوئے یا نکام ایہ سیاسی عمل اے، عدم اعتماد اک آئینی استحقاق اے ۔ مولانا نے آکھیا کہ48 گھنٹے توں پہلاں تحریک لے آواں گے