اپوزیشن لئی فرار دے رستے بند ہو چکے نیں: شہباز گل

اسلام آباد( پنجابی میڈیا گروپ) معاون خصوصی شہباز گل نے آکھیا اے کہ اپوزیشن کجھ دناں تک پتلی گلی توں نکلنا چاہے گی، اتحادی ساڈھے نال کھڑے نیں، اپوزیشن لئی فرار دے رستے بند ہو چکے نیں ۔ معاون خصوصی شہباز گل نے اسلام آباد وچ پریس کانفرنس نال خطاب کردیاں ہویاں آکھیا کہ تحریک عدم اعتماد اپوزیشن دے گلے دا پھاہ بن چکی اے، اوہناں دی واپسی نوں ہن خوبصورت طریقے نال پلان کیتا جائے گا ۔ پہلاں آکھیا جا رہیا سی کہ اسٹیبلشمنٹ اوہناں دے نال مل چکی اے، ہن ایہ دس رہے ہاں کہ اسٹیبلشمنٹ نیوٹرل ہو چکی اے۔اسٹیبلشمنٹ حکومت بنا رہی اے نہ گرا رہی اے۔اوہناں نے آکھیا کہ تجزیے کروائے جاندے نیں کہ حکومت ڈِگ جائے گی مگر ہن اپوزیشن کجھ دناں تک پتلی گلی توں نکلنا چاہے گی، وزیراعظم عمران خان نے میلسی وچ تریخی جلسہ کیتا۔