بلاول بھٹو دا وزیراعظم نوں استعفیٰ دین لئی 24 گھنٹے دا الٹی میٹم

گجرات(پنجابی میڈیا گروپ) بلاول بھٹو نے وزیراعظم نوںاستعفیٰ دین لئی24 گھنٹے دا الٹی میٹم دتے دتا ۔ اوہناں نے آکھیا کہ آن الیکشن کران تے ساڈھا مقابلہ کرن، کٹھ پتلی نوں ہن جانا ہوئے گا۔چیئرمین پاکستان پیپلزپارٹی بلاول بھٹو زرداری نے گجرات وچ لانگ مارچ دے رلتیاں نال خطاب کردیاںآکھیا کہ پورا ملک سراپا احتجاج اے، ہن بوہت ہوچکیا ، اوہناں دی نااہلی تے نالائقی دا بھار عوام چُک رہی اے، صاف تے شفاف الیکشن ساڈھا مطالبہ اے، عمران خان نے پی ٹی آئی ایم ایف ڈیل کر کے معاشی بحران پیدا کیتا، اسیں پہلے دن توں ایس نالائق نوں نہیں منیا ، پنجاب تے سندھ دی عوام نے گو سلیکٹڈ گو دا نعرہ لادتا۔ بلاول بھٹو دا کہنا سی کہ عمران خان دی پہچان سلیکٹڈ وزیراعظم اے، ایہ شخص اوس عہدے اُتے بیٹھن دے لائق نہیں، عمران خان امپائر دی انگلی پاروں اقتدار وچ آیا، پیپلز پارٹی نے کدی عوام نوں لاوارث نہیں چھڈیا۔