حالات ہتھوں نکل رہے نیں: حکومت وڈھے فیصلے کرے، پرویز الٰہی

لہور( پنجابی میڈیا گروپ) پاکستان مسلم لیگ (ق) دے رہنما چودھری پرویز الہی نے پاکستان تحریک انصاف نوں وڈھے سیاسی فیصلے لین دا مشورہ دیندیاں ہویاں آکھیا اے کہ حالات تیزی نال ہتھوں نکل رہے نیں ۔ سپیکر پنجاب اسمبلی چودھری پرویز الہی نال حکومت پنجاب دے وزیراں دی ملاقات دی اندرونی کہانی ساہمنے آگئی اے۔ ذرائع دے مطابق ملاقات وچ چودھری پرویز الہی نے مشورہ دتا کہ جیہڑے سیاسی حالات ہیں اوس دا تقاضا اے کہ اگے ودھ کے حکومت پہلاں فیصلہ لے لئے، حالات تیزی نال حکومت دے ہتھوں نکل رہے نیں، جیہڑے پہلاں فیصلہ لیندا اے سیاست وچ اوس نوں برتری حاصل ہوجاندی اے۔