عمران نیازی عوام نوں گمراہ کر رہیا اے،سعیدغنی

کراچی(پنجابی میڈیا گروپ)وزیر اطلاعات و محنت سندھ سعید غنی نے آکھااے کہ عمران نیازی ایس ویلے ملک دی عوام نوں گمراہ کررہیا اے تے ملک وچ افراتفری پھیلا رہیا اے۔ 1973دے آئین نوں فوجی آمراں نے تے ماضی وچ توڑیا اے،لیکن ایہ پہلی وار ویکھیا اے کہ سویلین نے ایس طرح آئین نوں توڑیا اے۔سپریم کورٹ نے اگر اسپیکر دی ایہ رولنگ ختم نہ کیتی تے قومی اسمبلی دے200ارکان غدار کہلان گے تے اوہناں نوں ووٹ دین والے کروڑاں محب وطن وی غدار بن جان گے۔ساہنوں صرف اقتدار وچ آن دا شوق نہیں اے۔اسیں ایس ملک وچ آئین دی بالادستی چاہندے ہاں۔اپوزیشن انتہائی ذمہ داری دا مظاہرہ کررہی اے،اگر کسی موقع اُتے ضرورت پئی تے لکھاں لوکاں نوں لے کے آواں گے۔