غزل

قیصرمحمود گورائیہ

غزل چراغ دی لاٹ نوں پرکھو
اکھراں دی کرلاٹ نوں پرکھو
موتیاں وانگ خیال پروئے
فِکر ہنر دی چاٹ نوں پرکھو
حق اقلیتاں دے وی ہوندے
کنک دے نال پگھاٹ نوں پرکھو
جمدی سوچ اسمان نوں ٹورے
بھوئیں نوں چُمدے ٹاٹ نوں پرکھو
رب نے قسم جہدے تے کھادی
واسطا جے اُس گھاٹ نوں پرکھو
چار دناں دی کھیڈ اے دنیا
حشر دیہاڑ دی واٹ نوں پرکھو
ویلا روز عمر پیا کھووے
کدی تے ایس جھراٹ نوں پرکھو
عشق دی مالا گل وچ پا کے
دل دی پیڑ تراٹ نوں پرکھو
عاشقاں دے سر کپدی قیصر
عشق دی تِکھی کاٹ نوں پرکھو