غزل
علی بابر
دھخدے ہوئے جْسے نوں اگ لاون لئی
چیتر آیا ستے پھٹ جگاون لئی
اوہناں لوکاں نوں تاریخ سلاہندی اے
وقت نہیں ہوندا جنہاں کول گواون لئی
میں جے سَنگّھ وی پاڑ لواں تے تھوڑا اے
حاکم دے کناں تک واج پچاون لئی
نہ سوچاں تے مر کے مٹی ہو جاواں
سوچ رہیا واں اپنی ہوند بچاون لئی
بابر سانوں اک مٹھ ہونا پینا اے
ات گردی دی لعنت جڑوں مکاون لئی
Users Today : 2
Users Yesterday : 360
Total Users : 731555
Views Today : 4
Total views : 11620396
Who's Online : 1
