ویلے اُتے الیکشن؛ ن لیگ تے جے یو آئی وچ اختلاف سامنے آ گئے

لہور( پنجابی میڈیا گروپ)ملک وچ عام الیکشن ویلے اُتے ہونے یا نہیں ہونے بارے پاکستان مسلم لیگ ن تے جمعیت علمائے اسلام ف دے وچکار اختلاف سامنے آ گئے۔جمعیت علمائے اسلام دے سربراہ مولانا فضل الرحمن دی عام الیکشن لیٹ کران دی تجویز اُتے مسلم لیگ ن نے الیکشن وچ لیٹ اُتے مولانا فضل الرحمن دا ساتھ نہ دین دا فیصلہ کیتا اے۔پارٹی ذرائع مطابق مسلم لیگ ن دا ایس وار عام الیکشن دا مجوزہ شیڈول جنوری 2024 وچ کران دی مکمل حمایت دا فیصلہ کیتا اے۔ مرکزی قیادت نے فیصلہ کیتا اے کہ الیکشن کسی وی صورت لیٹ دی مسلم لیگ ن بھرپور مخالفت کرے گی۔ مسلم لیگ ن دی قیادت نے پارٹی نوں مقررہ ویلے اُتے ہی الیکشن دے مطالبے اُتے ڈٹ جان دی ہدایت دے دتی اے۔لیگی مرکزی قیادت نے پارٹی نوں مولانا فضل الرحمن دے الیکشن لیٹ دے مطالبے توں فاصلہ رکھن دی وی ہدایت کیتی اے۔ ایس دے علاوہ آکھیا اے کہ ٹی وی ٹاک شوز تے ہور پلیٹ فارماں اُتے الیکشن لیٹ بارے کسی وی قسم دی تجویز دی مخالفت کیتی جائے۔