اڈیالہ جیل:عمران خان دی پُتراں نال فون اُتے گل کروان توں انکار

اسلام آباد( پنجابی میڈیا گروپ) اڈیالہ جیل حکام نے عمران خان دی پُتراں نال فون اُتے گل کروان توں انکار کردتا،آفیشل سیکرٹ ایکٹ عدالت وچ چیئرمین پی ٹی آئی نال پُتراں دی ٹیلی فون اُتے گل کروان دے کیس دی سماعت ہوئی، جس وچ سپرنٹنڈنٹ اڈیالہ جیل ولوں چیئرمین پی ٹی آئی دے پُتراں نال فون اُتے گل کروان توں انکار کردیاں ہویاں عدالت نوں دسیا گیا کہ آفیشل سیکرٹ ایکٹ تحت گرفتار ملزماں دی باہر دے ملک گل کروان دی اجازت نہیں اے۔عدالت نے قیدیاں نال فون اُتے بات کروان بارے جیل ایس او پی سدھ دیاں ہویاں18 اکتوبر تک جمع کروان دا حکم دے دتا۔بعد وچ آفیشل سیکرٹ ایکٹ دی عدالت دے جج ابولحسنات محمد ذوالقرنین نے کیس دی آئندہ سماعت 18 اکتوبر تک ملتوی کردتی۔