انٹرمیڈیٹ پارٹ ون دے امتحان دا نتیجہ جاری

لہور( پنجابی میڈیا گروپ)لہور تے راولپنڈی سنے پنجاب بھر دے تعلیمی بورڈز نے انٹرمیڈیٹ پارٹ ون دے امتحان دا نتیجہ جاری کر دتا۔راولپنڈی بورڈ ولوں انٹرمیڈیٹ پارٹ ون دے سالانہ امتحان وچ27896 امیدواران کامیاب ہوئے جد کہ 35848 امیدوار فیل ہوگئے۔بورڈ حکام مطابق منڈیاں دی شرح کامیابی 33.9 ، کُڑیاں دی شرح کامیابی 50.74 فیصد رہی، سالانہ امتحان وچ مجموعی کامیابی دا تناسب 43.66 فیصد رہیا۔لہور بورڈ ولوں انٹرمیڈیٹ پارٹ ون دے امتحان وچ 1 لکھ 68 ہزار توںوَدھ طالب علماں نے رَلت کیتی جنہاں وچوں 97 ہزار 100 طالب علماں نے امتحان وچ کامیابی حاصل کیتی ۔ بورڈ حکام نے دسیا اے کہ امتحان وچ کامیابی دا تناسب 57 فیصد توںوَدھ رہیا جدکہ 71 ہزار بال فیل ہوگئے۔ایس دے علاوہ ڈیرہ غازی خان، سرگودھا، ساہیوال، فیصل آباد، ملتان، بہاولپور تے گوجرانوالہ بورڈ نے وی11 ویں جماعت دے نتجے دا اعلان کیتا اے۔