پی ٹی آئی لبرٹی چوک جلسے لئی ہائیکورٹ ٹُر گئی

لہور(پنجائی میڈیا گروپ)پاکستان تحریک انصاف پی ٹی آئی نے لہور وچ لبرٹی چوک اُتے جلسہ کرن لئی لہور ہائیکورٹ نال رجوع کرلیا۔لبرٹی چوک وچ جلسے لئی لہور ہائیکورٹ وچ درخواست عظیم اللہ خان نے دائر کیتی، درخواست وچ ڈی سی لہور سنے ہوراں نوں فریق بنایا گیا۔درخواست وچ آکھیا گیا اے کہ5دن پہلاں متعلقہ فریقیاں نوں جلسے دی اجازت لئی درخواست دتی، پُرامن جلسہ کرنا ہر اک دا آئینی حق اے۔درخواست وچ استدعا کیتی گئی اے کہ عدالت لبرٹی چوک اُتے15 اکتوبر نوں شامیں7 وجے جلسہ کرن دا حکم دیوے، عدالت جلسے لئی سکیورٹی انتظام فراہم کرن لئی وی حکم جاری کرے۔