سکھ پروہنیاںلئی پاکستان دی دھرتی دے دروازے ہر ویلے کھلے نیں،مریم نواز

کرتار پور(پنجابی میڈیا)وزیراعلی پنجاب مریم نواز شریف نے آکھیا اے کہ سکھ پروہنیاں لئی پاکستان دی دھرتی دے دروازے ہمیشہ کھلے نیں۔کرتارپور وچ بیساکھی میلے دی تقریب نال خطاب کر دیاں ہویاں مریم نواز دا کہنا سی کہ سکھ برادری نوں بیساکھی تہوار دی بوہت بہت مبارک ہوئے،سارے سکھ پروہنیاںنوں میری تے نوازشریف ولوں جی آیاں نوں، سکھ بہن بھائیاں دا ایدھر آنا ساڈھے سر متھے اُتے اے۔اونہاں نے آکھیا کہ ایس موقع اُتے نواز شریف نوں ایتھے میرے نال ہونا چا ہیداسی، سکھ یاتریاں نوںپاکستان وچ ویکھ کے خوشی ہوئی، ساری سکھ برادری نوں خوش آمدید کہندی ہاں، پنجاب وچ سرکاری طور اُتے پہلی وار بیساکھی دا تہوار منایا جا رہیا اے جس اُتے خوش ہاں۔مریم نواز دا کہنا سی کہ جان دی ہاں پنجاب دے لوکاں نوں خوشیاں منانیاں آئوندیاں نیں،اج بیساکھی دا تہوار سکھ بہن بھائیاں دے نال منا رہی ہاں،اسیں پنجاب وچ وَسدے ہاں تے پنجاب ساڈھے دل وچ وَسدا اے، پنجاب دی بہن تے بیٹی ہون دے ناطے کہندی ہاں اپنے بزرگاں تے بھائیاں دی پگھ دا شملا اُچا رکھاں گی۔