کورونا وائرس :7500 موتاں نال بھارت بدترین خطہ بن گیا

واشنگٹن ( نیوز ڈیسک)بھارت دی کورونا وبا دے خلاف حکمت عملی بری طرح ناکام ہوگئی غیرملکی جریدے ‘‘فنانشل ٹائمز’’ دے ہتھوںمودی سرکار دی بدترین سبکی ہوئی اے۔ برطانوی جریدے ‘‘فنانشل ٹائمز’’ دے مطابق ہندوستان 1.4 ارب آبادی وچ کورونا دی 7 ہزار 500 اموات دے نال دنیا دا بدترین خطہ بن گیا، بھارتی وزیراعظم مودی نے 500 کورونا کیسز اُتے 24 مارچ نوںدنیا دا ظالمانہ لاک ڈاؤن کیتا تے فتح دا نعرہ لایا سی ، مودی نے تباہ ہندی معیشت تے مئی دے آخر وچ لاک ڈاؤن ختم کیتا، جس دے باعث انفیکشن ودھ گیا تے اسپتال بھر گئے۔ رپورٹ دے مطابق مودی دا ہندوستان خطرناک حد تک وائرس دی طوالت برداشت کرن توں تیار نہیں، ہندوستان اندر لاک ڈاؤن حکمت عملی بری طرح ناکام ہو گئی، بھارت وچ لاک ڈاؤن بوکھلاہٹ نال کاروبار بند، ٹرانسپورٹ معطل تے مزدور بے روزگار ہو گئے۔ لاکھاں افراد کچی آبادی، صنعتی علاقوں اندر بنا معاش پھنسے رہیے جدکہ بیشتر اپنے اپنے دیہاں نوں پیدل گئے۔ رپورٹ دے مطابق بھارت اندر لاک ڈاؤن نال سنگین معاشی بحران پیدا ہویا، 14 کروڑ افراد بے روزگار ہوئے، مودی دے باعث ہندوستان، 40 سال اندر پہلی مرتبہ شدید کساد بازاری توں گزر رہیا اے ،