کورونا دے پھیلاؤ نوں روکن لئی سوتی کپڑے دا ماسک بہترین اے : ماہرین

فلوریڈا: امریکہ دی فلوریڈ اٹلانٹک یونیورسٹی دے سائنسداناں نے مختلف طرح دے کپڑے تے ماسک دا موازنہ کرن توں بعد آکھیا کہ سوتی کپڑے دا گھریلو ماسک سب توں بہترین اے ، لیکن شرط اے کہ اوس دا سائز ٹھیک ہوئے تے ٹھیک طرح بنیا تے پہنیاجائے،کس طرح دا کپڑا تے فیبرک کورونا نوں کس حد تک روک سکدا اے ؟،ایہ جانن لئی اوہناں نے انسان ورگے اک ربوٹک پتلی دے منہ اُتے مختلف طرح دے ماسک تے رومال بندھن توں بعد اوس سے کھانسی کرن تے چھیکاں مارن توں بعدقطریاں دے پھیلاؤ دا مشاہدہ کیتا،سارے ماسک گھر وچ کپڑے دی دوہری تہہ لا کے بنائے گئے سن،ماسک توں نکل والے قطرے دا طے کردہ فاصلہ جانن لئی اوہناں نے مصنوعی کہر تے لیزر شعاعواںتوں مدد لئی،،ریسرچ جرنل ’’فزکس آف فلوئیڈز‘‘ دے تازہ شمارے اندر ایس حوالے توں شائع شدہ تحقیق دے مطابق ، کھانسی تے چھیکن دی صورت اندر منہ تے ناک توں نکلن والے چھوٹےچھوٹے قطرے ، چہرے توں 3 فٹ 7 انچ دور پہنچے، رومال دی دو تہیں کرن نال اے فاصلہ تقریباً اک فٹ رہ گیا۔