نیپال نے بھارتی نشریات اُتے پابندی لا دتی

کھٹمنڈو: نیپال نے زہریلے پروپیگنڈے اُتے اپنے ملک وچ بھارتی نشریات اُتے پابندی لا دتی ، کیبل آپریٹرز دے مطابق ایس فیصلے اُتے جمعرات توں عمل شروع کر دتا گیا اے،میڈیا رپورٹ دے مطابق ایس فیصلے دے تحت نیپالی ناظرین دی بھارت دے سرکاری دور درشن نیوز دے علاوہ بھارتی نیوز چینل تک کوئی رسائی نہیں ہوئے گی ؛ حالیہ دناںاندر نیپالی وزیر اعظم دی چینی سفیر دے نال ملاقاتاں بارے بھارتی چینلز نے گمراہ کن تے بے بیناد پراپیگنڈا کیتا ، نیپالی وزیر اعظم دے چیف ایڈوائزر بشمو رامال نے آکھیا کہ وزیر اعظم دے خلاف بھارتی میڈیا وچ گمراہ کن رپورٹاں آئیاں سن ، اے گلاں تے رپورٹاں انتہائی قابل اعتراض سن ،ایس توں پہلاں نیپال دی حکمران جماعت دے ترجمان نے فیصلے تو پہلاں آکھیا کہ ساڈی حکومت دے خلاف بھارتی میڈیا دا پرو پیگنڈا ساریاں حداں پار کر گیا اے ، تے ایس نوں فوری بند ہونا چاہیدا اے ۔