بھارت : اک دن دے وچ کورونا دے28ہزار نوے کیس

نئی دہلی: بھارت وچ کورونا دے وائرس دے پھیلائو وچ ہور تیزی آگئی تے پچھلے24گھنٹے دے دوران 28ہزارنوے مریض ساہمنے آگئے ۔عالمی میڈیا دے مطابق کورونا وائرس توں بُری طرح متاثر ہوون والے ملکاں اندر امریکہ تے برازیل توں بعد بھارت دا دُنیا وچ تیجاوڈا ملک بن گیا اے ، ایس مہلک وائرس نال بھارت وچ ہن تک ہلاک ہوون والیاں دی تعداد23ہزار توں ودھ گئی جد کہ ایس دے دارلحکومت نئی دہلی، ممبئی سمیت وڈے تجارتی شہر چینائی، بنگلور تے پونے وغیرہ اندر کورونا دے کیس تیزی نال ودھ رہیے نیں ۔ معروف اداکار امیتابھ بچن سمیت اوہناں دے خاندان دے تین افراد نوں وی کورونا وائرس دی تصدیق ہوئی بھارت اندر کورونا دے دوران مودی سرکار دی ناقص کاکردگی تے غیر موثر حکمت عملی بُری طرح ناکام ہو گئی جس دا خمیازہ عام شہری نوں بھگتنا پہ رہیا اے ، بغیر منصوبہ بندی دے لاک ڈائون دی وجہ نال معیشت زبوں حالی دا شکار اے تے غریب تے متوسط طبقہ دو وقت دی روٹی توں ترس گیا اے ۔