ہانگ کانگ چین دا اندرونی معاملہ، ایہدے وچ غیر ملکی مداخلت نہیں ہونی چاہیدی: پاکستان

اقوام متحدہ وچ پاکستان دے مستقل مندوب منیر اکرم دا کہنا اے ہانگ کانگ دے معاملات چین دے داخلی معاملات نیں، ایہدے وچ غیر ملکی مداخلت نہیں ہونی چاہیدی۔ اقوام متحدہ وچ پاکستان دے مستقل مندوب منیر اکرم دا جنرل اسمبلی دی 55ملکاں تے مشتمل کمیٹی نال خطاب وچ کہنا سی خود مختار ملکاں دے داخلی معاملات وچ مداخلت نہ کرنا یو این چارٹر دا اہم حصہ اے۔

چین ولوں ہانگ کانگ وچ ہیومن رائٹس دے حوالے نال نواں قنون لاگو پر جرمنی دے تحفظات دا جواب دیندیاں ہوئیاں منیر اکرم آکھیا ہانگ کانگ چین دا حصہ اے تے کسے وی دیس دے نیشنل سکیورٹی معاملات دا قنونی اختیار ریاس تدے کول ہوندا اے۔ پاکستانی مندوب دا کہنا سی ہانگ کانگ دے معاملات چین دے داخلی معاملات نیں، ہانگ کانگ دے معاملات وچ غیر ملکی مداخلت نہیں ہونی چاہیدی۔ پاکستان ہانگ کانگ بارے چین دے موقف دی حمایت کردا اے۔