کورونا بے قابو، اک ای دن وچ ریکارڈ 111موتاں، 1لکھ 48ہزار 921متاثر

لہور: پاکستان وچ کورونا دے متاثرین تیزی نال ودھن لگے، دیس بھر وچ کورونا دے تصدیق شدہ کیساں دی تعداد اک لکھ 48ہزار 921تک اپڑ گئی جد کہ اک دن وچ 111بندے جاں بحق ہو گئے جہدے بعد موتاں دی تعداد 2ہزار 839ہو گئی۔ نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹوں دے دوران 4 ہزار 443 نویںکیسز رپورٹ ہوئے، پنجاب وچ 55 ہزار 878، سندھ وچ 55 ہزار 581، خیبر پختونخوا وچ 18 ہزار 472، بلوچستان وچ 8 ہزار 327، گلگت بلتستان وچ اک ہزار 143، اسلام آباد وچ 8 ہزار 857 جد کہآزاد کشمیر وچ 663 کیسز رپورٹ ہوئے۔ملک بھر وچ ہن تک 9 لکھ 22 ہزار 665 بندیاں دے ٹیسٹ کیتیگئے، پچھلے24 گھنٹیاں دے دوران 25 ہزار 15 نویںٹیسٹ کیتیگئے، ہن تک 56 ہزار 390 مریض صحت یاب ہوچکے نیں جد کہکئی مریضاں دی حالت تشویشناک اے۔پاکستان وچ کورونا توں اک دن وچ 111 بندے جاں بحق ہوگئے جہدے بعد وائرس نال مرن والیاں دی تعداد 2 ہزار 839 ہوگئی۔ پنجاب وچ اک ہزار 81، سندھ وچ 853، خیبر پختونخوا وچ 707، اسلام آباد وچ 83، گلگت بلتستان وچ 17، بلوچستان وچ 85 تے آزاد کشمیر وچ 13 مریض جان توں ہتھ دھو بیٹھے۔