پاکستان وچ ڈرائیونگ لائسنس دے حصول لئی ڈیجیٹل سسٹم متعارف

پاکستان وچ پہلی وار پنجاب وچ ڈرائیونگ لائسنس دے حصول دے طریقہ کار نوں آسان بناندیاں ہوئیاں شہریاں لئی ’ڈیجیٹل ڈرائیونگ لائسنس‘‘ سسٹم متعارف کرایا جا رہیا اے۔ ایہ ڈیجیٹل ڈرائیونگ لائسنس سسٹم شہریاں دی مشکلات نوں آسان کردیاں ہوئیاں بغیر کسے کاغذی کاروائی دے لمے چکر دے بجائے صرف شناختی کارڈ تے ڈرائیونگ لائسنس دا اجراء کرے گا۔ ایس سسٹم نوں پنجاب انفارمیشن ٹیکنالوجی بورڈ تے پلس افسر راولپنڈی دے اشتراک نال متعارف کرایا گیا اے۔ ایس نویں سسٹم توں اجہے شہری جہناں دا ڈرائیونگ لائسنس ایکسپائر ہو گیا اے، اوہ وی ڈیجیٹل نظام دے راہیں آسانی نال دوبارہ لائسنس حاصل کر سکن گے۔ ڈیجیٹل ڈرائیونگ لائسنس سسٹم دے تحت شہریاں نوں صاف اپنا قومی شناختی کارڈ تے بینک چالان پیش کرنا پوے گا، ایہدے علاوہ ایہناں نوں کسے قسم دے دستاویزات دی لوڑ نہیں ہووے گی۔