پنجاب وچ جیالے متحد رہن، جلد چنگا ویلا آن والا اے: آصف زرداری

کراچی: سابق صدر آصف زرداری آکھیا اے پنجاب وچ جیالے متحد رہن، جلد چنگا ویلا آن والا اے، موجودہ حکمراناں وچ سیاسی سمجھ بوجھ نہیں، وفاقی حکومت صوبیاں نوں مضبوط بنان دے بجائے ہور کمزور کر رہی اے۔ آصف زرداری دا پارٹی رہنماواں نال ٹیلی فونک گل کردیاں کہنا سی وفاق وچ بیٹھے بندیاں وچ سیاسی ادراک تے سوجھ بوجھ نہیں رکھدے، وفاقی حکومت صوبیاں نوں مضبوط بنان دے بجائے ہور کمزور کر رہی اے، 2008ء دے الیکشن وچ بلوچستان دی ساری قوم پرست جماعتاں نے بائیکاٹ کیتا سی، اسیں ایہناں نوں قومی دھارے وچ لیان دی ذمہ واری چکی سی۔ موجودہ حالات وچ حکومت نے عوام لئی کجھ نہ کیتا تے خوفناک صورتحال جنم لے سکدی اے۔ قمر زمان کائرہ تے چودھری منظور نال پارٹی امور بارے گل کردیاں آصف زرداری آکھیا پنجاب وچ جیالے متحد رہن، جلد چنگا ویلا آن والا اے، مقدمیاں دا کوئی خوف نہیں، پہلاں وی عدالتاں وچ مقابلہ کیتا ہن وی کراں گے۔