لہور دے 7ہور علاقے سیل کراں گے:یاسمین راشد

لہور: صوبائی وزیر صحت ڈاکٹر یاسمین راشد ہوراں آکھیا کہ کورونا توں ودھ متاثر ہوون والے 7 ہورعلاقیاں نوں سیل کر رہیے آں،جس اندر ڈی ایچ اے، گلبرگ، گلشن راوی، گارڈن ٹاؤن، فیصل ٹاؤ ن، ماڈل ٹاؤن تے والڈ سٹی شامل نیں،اوہناں نے مزید آکھیا کہ مارکیٹاں وچ ایس او پیز تے عمل نہیں ہو رہیا ،لاہور تے راولپنڈی اندر ساڈے کول بوہت مریض ساہمنے آئے نیں ،ہن ایس او پیز دی خلاف ورزی کرن والیاں نوں کوئی وی معافی نہیں دتی جائے گی،اوہناں نے آکھیا کہ کورونا دے مریضاں دی ریکوری 20ہزار دے کول کول اے ،کئی مریض ٹھیک ہو کے اپنے اپنے گھراں نوں جا چکے نیں،لہور وچ 11جون نوں 1118مریض سن تے کل 738مریض داخل ہوئے نیں ,30تو ں 35فیصد بیڈ ہسپتالاں اندر خالی نیں ،لہور وچ آئی سو یو دی تعداد187تو205کر دتی ،پبلک سیکٹر اندر250ہائی ڈیپنڈیسی یونٹس نیں ،پبلک سیکٹر اندر60وینٹی لیٹرز نیں