مویشی ، اجناس، سبزی تے پھل سستے ہوون دا امکان

اسلام آبا: وفاقی بجٹ 2020-21اندر مویشی تےسبزی منڈیاں دے آڑ ھتی، کمیشن ایجنٹ تے ڈیلراں نوں ایڈوانس انکم ٹیکس دی چھوٹ دی تجویز دتی گئی اے،میڈیا رپورٹ دے مطابق یکم جولائی توں اینہاں تجاویزاں اُتے عمل درآمد لئی عید الاضحی دے موقع تے قربانی دے جانوراں دے علاوہ سبزیاں ، پھل، گندم ، مکئی ، چاول تے دالاں دی قیمت گھٹ ہوون دا امکان اے،سینیٹ دی قائمہ کمیٹی برائے خزانہ نے ایس ضمن اندر ٹیکس آرڈیننس دی شق 236کڈن دی منظوری دتی اے،ایس سال عید الاضحی دے موقع اُتے ایڈوانس انکم ٹیکس دے معاملے تے خریدار ، آرھتی تے ٹھیکیداراں دے درمیان تنازعات دا مکمل خاتمہ ہوےئ گا،ٹیکس حکام نے ایس موقع تے دسیا کہ ایس ٹیکس دے نفاذ لئی ہن تک پوری طرح وصولی ممکن نہیں ہو سکی ،ایس ٹیکس دی وصولی لئی اجناس دی منڈیاں تے مستقل تے عارضی مویشی منڈیاں اندر مارکیٹ کمیٹیاں تشکیل دے کہ ایڈوانس انکم ٹیکس وصول کرن دا ٹاسک بنایاجائے گا،تاہم ٹیکس وصولی پوری طرح نیں ہو سکدی ، ہر سال وصولی اندر کمی دے پیش نظر آئندہ مالی سال دے فنانس بل اندر اک ترمیم دے ذریعے انکم ٹیکس آرڈیننس 2001توں سیکشن236نوں خارج کرن دی منظوری دی دے دتی گئی،اُمید اے کہ ایس ٹیکس دے خاتمہ دے بعد مویشیاں ، سبزیاں ، پھلاں تے اجناس دی قیمت گھٹ جائے گی