گوگل دا صارفین دی جمع ہوئی معلومات نوں خاص مدت بعد ڈیلٹ کرن دا فیصلہ

سلیکان ویلی: گوگل اپنی ڈیفالٹ سیٹنگز وچ بوہت وڈی تبدیلی لیا رہیا اے جس دے بعد صارفین دا اکٹھا ہوئیا ڈیٹا اک خاص مدت دے بعد ڈیلیٹ کر دتا جائے گا، غیر ملکی خبر رساں ادارے دے مطابق ایس تبدیلی توں بعد ویب سائٹ اُتے کیتی گئی سرچ، پیجز، لوکیشن ڈیٹا وغیرہ 18ماہ توں بعدڈیلیٹ کر دتا جائے گا،ایس توں علاوہ یو ٹیوب ہسٹری ، ویکھے گئے کلپ تے اوہناں دی مدت دی معلومات وی36ماہ دے اندر ڈیلیٹ کر دتی جائے گی،ایس تبدیلی لئی اک نوا اکاؤنٹ ہوئے گا جد کہ پہلاں توں موجود صارفین نوں تبدیلی بارے آگاہ کر دتا جائے گا،ایہ اعلان گوگل تے ہور وڈی کمپنیاں ولوں ڈیٹا کولیکشن دی کوشش تے معلومات دے تحفظ نوں یقینی بنا ن دے حوالے نال کیتے جاون والے اقدمات کے تناظر اندر ساہمنے آیا اے،واضح رہیے کہ ایس توں پہلاں گوگل نے مئی 2019اندر صارفین نوں استعمال دا ریکارڈ یا لوگز ختم کرن تے مجبور کرن لئی آٹو ڈیلٹ دا طریقہ متعارف کروایا سی ،لیکن اوس وقت صارف دے انتخاب اُتے چھڈ دتا گیا گوگل صارف لئی سرچ تے اشتہارات دی تجویز کرن لئی ایس معلومات دا استعمال کردا اے