دھمکی آمیز فون کالز موصول ہوئیاں، جان نوں خطرہ اے: اداکارہ میرا

لہور: اداکارہ میرا دا کہنا اے اوہناں نوں دھمکی آمیز فون کالز موصول ہو رہیاں نیں، ایہناں دی جان نوں خطرہ اے۔

اوہناں نے حکومت توں تحفظ فراہم کرن دا مطالبہ کر دتا۔ اداکارہ دا اپنے ویڈیو پیغام وچ کہنا سی اوہ پاکستان وچ اپنی فلم باجی پروموٹ کرنا چاہندیاں نیں، مذکورہ فلم پاکستان وچ دوجی واری ریلیز ہوئی اے پر جان دے خطرے دی وجہ توں مشکلات حائل نیں۔ میرا نے سرکار توں اپیل کیتی کہ دھمکی آمیز فون کالز ملن دے بعد خطرے دے پیش نظر ایہناں نوں سکیورٹی فراہم کیتی جاوے۔