بچن خاندان توں بعد انوپم کھیر دے گھر والے وی کورونا توں نہ بچ سکے

ممبئی :بالی ووڈ شہنشاہ امیتابھ بچن دے گھر دیاں توں بعد ہن بالی ووڈ دے سینئر اداکار انوپم کھیر دے گھر والے وی کورونا توں نہ بچ سکے، بھارتی اداکار انوپم کھیر نے ٹویٹ اندر آکھیا کہ اوہناں دی والدہ، بھرا، پر جائی تے بھتیجی کورونا وچ مبتلا ہو گئے نیں ،انوپم کھیر نے آکھیا کہ پہلاں اوہناں دی والدہ کورونا دا شکار ہوئیں تے اوہناں نوں ممبئی ہسپتال کورونا وارڈ وچ داخل کر دتا ۔تے اوس توں بعد احتیاطی تدبیراں اختیار کرن دے باوجود بھرا، پرجائی تے بھتیجی دا وی کورونا مثبت آ گیا ،اوہناں آکھیا کہ میں وی اپنا کورونا ٹیسٹ کرویا لیکن رپورٹ منفی آئی ۔ گھر دے4بندیاں نوں کورونا ہون توں بعد باقی دے تمام گھر والے گھبراہٹ دا شکار ہو گیے نیں ، اوہناں نے ہور آکھیا کہ داکٹراں دی چنگی دیکھ بھال دے نال اوہناں دی والدہ جلد صتحیاب ہو جائے گی ۔