اداکارہ کبریٰ خان نے شوبز انڈسٹری توں کنارہ کشی دی تردید کر دتی

کراچی: اداکارہ کبریٰ خان نے شوبز چھڈن بارے خبراں دی تردید کردیاں آکھیا اے فی الحال کجھ ورھیاں تک انڈسٹری نہیں چھڈ رہی جے مینوں ایہ محسوس ہویا کہ میں اپنی سوچ دے مطابق کم نہیں کر پا رہی تے میں اپنا راہ بدل لواں گی۔

گلیکسی لالی ووڈ ویب سائٹ نال گل کردیاں کبریٰ خان آکھیا حال وچ ای جاری کیتے انٹرویو وچ میریاں گلاں نوں توڑ مروڑ کے پیش کیتا گیا، میں اج وی اپنے فن نال محبت کرنی آں تے میں جہڑا کم اج تک کیتا اے ایس توں مطمئن آں تے خدانخواستہ جے میں نہیں کر پاندی تے میں ایہ انڈسٹری چھڈ دیواں گی۔

کبریٰ خان نے شوبز انڈسٹری چھڈن دیاں خبراں دی واضح لفظاں وچ تردید کردیاں آکھیا فی الحال کجھ ورھے تک ایہ انڈسٹری نہیں چھڈ رہی جے مینوں ایہ محسوس ہویا کہ میں اپنی سوچ دے مطابق کم نہیں کر رہی تے میں اپنا راہ بدل لواں گی۔