کہانی پراگا گڈی

ثروت سہیل

میں گھر ا گیاں ، اماں ،’ اوہنے آکھیا۔
ہربرٹ ، توں آ گیا ایں؟ تیرا کمرہ اگے ای تیرے لئی تیار اے۔’ اپنیاں شیواں تھلے رکھ تے آ جا۔ اسیں اجے روٹی کھان بیٹھے ای ساں ۔’ اوہ کھانے والے کمرے وچ ٹر گئے۔ سیمویل ،، ہربرٹ گھر آ گیا اے۔ پجھ کے جا تے اک پا کو بئیر ((شراب)لے آ،’
روٹی کھاندیاں ہویاں تے باقی دی شام دے ٹیم اوہنے اوہناں نوں بییٹی دے نال جہڑا مسئلہ سی اوہ دسیا۔
ٹھیک اے ، ہر برٹ توں اوتھوں نکل آیا ایں ، بڑا چنگا کیتا اے۔مسز سنبری نے آکھیا۔
میں تینوں دسیا سی اوہ زنانی تیرے لئی چنگی نہیں سی۔ عام سی اوہ اکا ، کٹا ہ تے سواہ، تے تیری تے ہمیشہ توں پرورش بڑی ودھیا ہوئی سی۔
اوہنوں اپنے بسٹرے تے سن دا سواد آیا، اوہ بسترا ، تے اتوار نوں سویرے ناشتے لئی تھلے اونا، بغیر داڑھی منن توں ، بغیر نہان توں تے اخبار نیوز آف دی ورلڈ پڑھنا ،جس دا اوہ ساری حیاتی عادی سی۔
‘ اج اساں گرجے نہیں جاناں ،’ مسز سنبری نے آکھیا ۔توں پرشان ایں، ہربرٹ؛ اج اسیں سارے ارام کراں دے۔ ‘
اوس ہفتے اوہناں گڈی دیاں گلاں کیتیاں تے اوہناں بییٹی دے بارے وی بڑیاں گلاں کیتیاں۔ اوہناں گل بات کیتی کہ اوہ ہن اگوں کیہ کرے دی ۔
مسز سنبری بولی،’ اوہ تینوں موڑن لئی جتن کرے دی۔’
ہربرٹ نے آکھیا ،’ اوہنوں اس کم دا واہ واہ موقعا لگا اے،’
‘ تینوں خرچہ تے دینا پئے دا’ اوہدے پئیو نے آکھیا۔
کئیوں ! ا یہنوں کئیوں دینا چاہی دا اے۔ ‘ مسز سنبری بڑا چیک کے بولی
‘ اوہنے پہلاں ایہنوں ویاہ دے جال وچ پھسایا تے ہن ایہنوں اوس گھر وچوں کڈھ دتا جہڑا ایہنے اوہدے واسطے بنایا سی۔’
میں اوہنوں دیاں گا جو مناسبھ اے اوہدوں تک جدوں تک اوہ مینوں کلیاں چھڈ دیوے۔
اوہ ہر روز پہلاں نالوں بوہتا آرام مسوس کردا سی ، در اصل اوہنوں لگن لگ پیا سی کہ اوہ کدی ایتھوں گیا ہی نہیں سی۔
اوہ انج ٹک گیا جیویں کوئی کتا اپنی ٹوکری وچ آ کے ہوندا اے؛ بڑا چنگا لگدا سی جدوں اوہدی ماں اوہدے کپڑے صاف کردی سی تے اوہدیاں جراباں سینندی سی ؛ اوہ اوہنوں اوہدی مرضی دی شے کھان لئی دیندی سی جیہی اوہ ہمیشہ کھاندا سی۔؛ بییٹی بے تکا کھانا پکاندی سی، شروع وچ تے بڑا شغل لگدا سی جیویں تفریح تے آئے نے پر اوہ انج دا کھانا نہیں سی ہوندا کہ اک بندے نوں اوہدا چسکا لگ جائے۔ تے اوہ اپنی ماں دے نظریے وچوں باہر نہیں سی نکلیا کہ تازی خوراک ڈبیاں والے کھانے نالوں ،بوہتی چنگی ہوندء اے۔ اوہ ڈبے والی سیلمن مچھی ویکھ ویکھ کے سوڑا پے گیا سی/ اک گیا سی۔ فیر ایہ وی چنگی گل سی کہ پھرن ٹرن لئی تھاں سی اودوں ول کہ بندا دں کمریاں وچ ڈکیا رہوے ، جنہاں وچوں اک باورچی خانہ وی ہووے۔
‘ ماں ، میں زندگی دی سبھ توں وڈھی غلطی کیتی ، ایہ گھر چھڈ کے۔’ اک واری اوہنے اپنی ماں نوں دسیا۔
مینوں پتا اے ہربرٹ، پر ہن توں مڑ کے آ گیا ایں تے ہن تیرے کول فیر گھر چھڈن دی کوئی وجہ نہیں۔
اوہدی تنخواہ جمعے والے دن لبھدی سی شام ویلے جدوں اوہناں نے اجے روٹی کھادی سی تے گھنٹی وجی۔
‘ ایہ اوہ ہی اے،’ اوہ سارے اک اواز وچ بولے۔
ہربرٹ دا تے رنگ اڈ گیا اوہدی ماں نے اک نظر اوہدے ول ویکھیا ، توں ایہ میرے تے چھڈ دے، اوہنے آکھیا۔ (جاری اے)