الیکشن کیس:سیاسی ایشوزمذاکرات نال بہتر حل ہو سکدے نیں:سپریم کورٹ

اسلام آباد(پنجابی میڈیا گروپ)سپریم کورٹ نے ملک بھر وچ اک دن الیکشن کران دے کیس دی سماعت غیر معینہ مدت تک ملتوی کر دتی۔ سپریم کورٹ نے اپنے حکم نامے وچ آکھیا کہ ملک بھر وچ اک نال الیکشن اُتے اتفاق رائے لئی پرامید جماعتاں دے سیاسی ایشوز نوں مذاکرات نال حل کرن دی کوشش قابل ستائش اے، سیاسی ایشوزمذاکرات تے اتفاق رائے نال ہی بہترانداز وچ حل ہو سکدے نیں، توقع اے سیاسی جماعتاں تقسیم نوں ختم تے اک تریخ اُتے ملک بھر وچ الیکشن اُتے متفق ہو جان گیاں۔عدالت عظمی نے آکھیا کہ پی ٹی آئی تے حکومتی کمیٹیاں نے مذاکراتی عمل اُتے رپورٹاں جمع کرائیاں، سعد رفیق نے دسیاکہ اک نال الیکشن کران اُتے اتفاق رائے ہو گیا اے،اوہناں نے آکھیا مذاکرات جاری رہے تے تریخ اُتے اتفاق ہو جائے گا، شاہ محمود قریشی نے جواب وچ مذاکرات وچ پیشرفت اُتے مایوسی دا اظہار کیتا، مقدمہ دی سماعت غیر معینہ مدت تک ملتوی کیتی جاندی اے۔