چیف الیکشن کمشنر دی زیرصدارت اجلاس، عام الیکشن دیاں تیاریاں دا جائزہ لیا

کوئٹہ( پنجابی میڈیا گروپ)چیف الیکشن کمشنر سکندر سلطان راجہ دی زیر صدارت اجلاس ہویا، اجلاس وچ عام الیکشن دیاں تیاریاں دا جائزہ لیا گیا۔چیف الیکشن کمشنر سکندر سلطان راجہ دی زیر صدارت سول سیکرٹریٹ کوئٹہ وچ عام الیکشن دیاں تیاریاں بارے اجلاس ہویا، اجلاس وچ ممبراں، چیف سیکرٹریاں، سیکرٹری الیکشن کمیشن، ایڈیشنل آئی جی تے ہوراں رَلت کیتی۔چیف الیکشن کمشنر نے آکھیا کہ غیر جانبدارانہ تے پُرامن الیکشن دے انعقاد لئی سارے وسائل بروئے کار لیائے جان، صاف و شفاف الیکشن اہم قومی ذمہ داری اے، قومی فریضے نوں بااحسن پورا کرن لئی نگران حکومت بھرپور کردار ادا کرے، الیکشن کمیشن نگران حکومتاں نوں مکمل مدد فراہم کرے گا۔سکندر سلطان راجہ نے آکھیا پُرامن الیکشن بارے کسی قسم دی کوتاہی برداشت نہیں کیتی جائے گی، الیکشن دا آزادانہ، منصفانہ، غیرجانبدارانہ انعقاد ہی بہتر جمہوریت دا ضامن ثابت ہوئے۔