دھماں پا دیوو سارے جگ اندر

عبدالحمید نظامی

دھماں پا دیو دو جگ اندر تھاں تھاں اوہدے نام دیاں
نالے گھلدے رہنا ڈالیاں تسیں درود و سلام دیاں
بھانویں کناں زر والا اے بھانویں کیڈا بادشاہ
کر سکدا نہیں قسمے ریساں اوہدے کوئی غلام دیاں
روغے اُتے جاکے ویکھو آپے اپنیاں اکھاں نال
بِن بدل برساتاں ہوون ہر ویلے اکرام دیاں
دل دے راہیں اکھیاں تائیں ایسا مِلدا اک خمار
کیہہ کیہہ صفتاں دسے کوئی کوثر والے جام دیاں
وچ خیالاں بیٹھ مدینے خبرے لکھدا رہنا ایں
واہ نظامی کیا باتاں نے تیرے ہر کلام دیاں