پاکستان کشمیریاں دی حمایت جاری رکھے گا،دفترخارجہ

اسلام آباد(پنجابی میڈیاگروپ) ترجمان دفتر خارجہ ممتاز زہرا بلوچ نے اک وار فیر واضح کیتا اے کہ دنیا دی توجہ مقبوضہ کشمیر وچ بھارتی مظالم ول مبذول کرواندے رہواں گے، پاکستان کشمیریاں دی سیاسی، سفارتی حمایت جاری رکھے گا ،6تے7مارچ نوں پاکستان تے امریکا دے وچکار انسداد دہشتگردی ڈائیلاگ ہویا جس وچ دوناں ملکاں دے وچکار ات گردی دے خلاف تعاون جاری رکھن اُتے اتفاق ہویا ، پاکستان ہمسایہ ملک افغانستان سنے خطے وچ امن دی خواہش رکھدا اے ، آئندہ ہفتے وزیر مملکت برائے خارجہ حنا ربانی کھر بحرین تے برطانیہ دے اہم دورے کراں گی ۔ترجمان دفتر خارجہ ممتاز زہرا بلوچ نے ہفتہ وار بریفنگ وچ دسیا کہ وزیر اعظم شہباز شریف نے امیر قطر دی دعوت اُتے قطر دا اہم دورہ کیتا، قطر کانفرنس وچ شہباز شریف نے پاکستانی نقطہ نظر رکھیا، وزیر اعظم نے امیر قطر نال ملاقات کرکے دوناں ملکاں دے درمیان تجارت تے تعاون ودھان اُتے اتفاق کیتا۔ ترجمان نے دسیاکہ وزیرخارجہ بلاول بھٹو زرداری امریکہ دے اہم دورے اُتے نیں۔