72پی ٹی آئی ارکان قومی اسمبلی وچ بحال،نوٹیفکیشن کالعدم

لہور(پنجابی میڈیاگروپ)لہور ہائیکورٹ نے تحریک انصاف دے 72اراکان قومی اسمبلی دے استعفیاں دی منظوری دا نوٹیفکیشن کالعدم قرار دیندے ہوئے سپیکر قومی اسمبلی نوں ساریاں ممبراں نوںدوبارہ سُن کے فیصلہ کرن تے سارے اراکاناں نوں استعفے واپس لین لئی سپیکر دے سامنے پیش ہونے دی ہدایت کردتی۔ لہور ہائیکورٹ دے جسٹس شاہد کریم نے ریاض فتیانہ سنے ہوراں دیاں درخواستاں اُتے فیصلہ سنایا۔جس وچ تحریک انصاف دے72ارکان قومی اسمبلی دے استعفیاں دی منظوری داالیکشن کمیشن تے اسپیکر قومی اسمبلی دا نوٹیفکیشن کالعدم قراردے دتا گیا۔فاضل عدالت نے سپیکر قومی اسمبلی نوں ساریاں ممبراں نوں دوبارہ سن کے فیصلہ کرن دی ہدایت کردتی۔عدالت نے اراکان قومی اسمبلی نوں وی استعفے واپس لین لئی سپیکر دے سامنے پیش ہون دی ہدایت کردتی ۔ جنہاں اراکاناں دے استعفیاں دا نوٹیفکیشن کالعدم قراردتا گیا اے اوہناں وچ شاہ محمود قریشی، فوادچوہدری، حماد اظہر، ریاض فتیانہ تے شفقت محمودسنے تحریک انصاف پنجاب توں تعلق رکھن والے 72اراکان قومی اسمبلی شامل نیں۔